Miscellanea di poesie in vernacolo in memoria di Claudio Paci
Associazione Borgo Antico – Scuola Secondaria di primo grado “Zirilli”
Cu li me mani portu amuri (poesia vincitrice del Concorso di Poesia in vernacolo promosso dall’Associazione Borgo Antico) Passiandu na matina ‘nta marina sentu lu scrusciu du mari supra a rina. Lu ventu cauddu e l’acqua marina mi toccunu la facci. Mi pari na carizza d’un anciulu, mi ricoddu quandu nu jornu passiandu avanti e arreti vitti nu beddu figghiu supra nu scogghiu. Di luntanu lu vidia mentri li so mani ‘nto tammuru li battia. Cu sapi cu era, ma a so’ musica di poesia sapia. Mi sittai i latu a iddu, ci dumannai chi fai figghiu? Iddu mi rispundiu cu tuttu u cori chi me mani iò pottu l’amuri. E ora chi passiu ancora avanti e arreti mi votu vessu u mari e ceccu li so occhi e ‘nto ventu na carizza. Sta marina mi porta ancora u cori a ‘dda sira… Quandu supra nu scogghiu io vitti a du beddu figghiu e ci dumandai: - Chi fai supra stu scogghiu? Cu li me mani portu amuri… Cu li me mani portu amuri… Maiorana Cristina Classe 3^C Scuola Secondaria di primo grado “Zirilli”
Puisia amara A musica pittia era speciali purtroppu a to vita andoi a mali, u diavulu ci misi lu zampinu e finiu a vita d'un caru signurinu. U duluri da to famigghia tutta Milazzu scumpigghia. Puru la musica chianci na melodia che fa pigghiari a tutti na malatia. Manchi sempri di chiù e to picciridi chi chianciunu singhiuzzandu comu l'ariddi. Lacrimi amari, randi comu lu mari. Attia povuru figghiolu ti dedicu sta puisia, a chiù amara chi ci sia. Andrea Duca Classe 2^B Scuola Secondaria di primo grado Zirilli
A un caruso speciali Carusu cu nu sognu fattu reali sunavi na musica speciali e di chiù debuli ti facivi amari. Quannu a vita ti sorridia spezzata fu a to’ via. Ti piacia a musica comu ammia, da Sicilia, amata terra mia. Cu orgogliu e simpatia tutti pari ca to musica facivi sugnari. Un carusu che trionfari putia ma spezzata fu a to’ via. Geraci Antonino Classe 3^C Scuola Secondaria di primo grado “Zirilli”
Percussioni ‘nto cielu: bum bum, tan tan All'anciuli ci mancava, un omu chi sunava. Omu ‘namuratu da musica pi cui vivia. Omo chi i carusi adurava, e attravessu i soni lì ‘nsignava. All'anciuli ci mancava, un omu chi sunava. I to percussiuni ora scandisciunu u ritmo du cielu, all’anciuli ci regalasti u to mundu di soni. Bum bum, tan tan I to mani erunu meludia, grazie attia niautri ballaumu e ‘ncantati ristaumu a scutari u ritmo e la to’ musica. Se n’chiudemu l’uocchi, e tindemu li ricchi a lu cielu, ancora e pi sempri sintemu, BUM BUM TAN TAN. Ciau Claudio! Virginia Crimi Classe 2B Scuola Secondaria di primo grado “Zirilli”
A to’ musica ‘nta lu ventu Un figghiolu firriava pi Milazzu Ca’ so poesia, ca’ so musica e ca’ so magia. Era beddu comu lu suli e avia u cori randi comu lu mari. Facia beni a tutti li cristiani, randi e picciriddi. Ridia sempri, pi iddu non era mai ‘nvernu. U mundu giroi a Cuba arrivoi. Studiò tra genti luntani e a so musica, i so tradizioni i so pinseri ‘nta nostra Terra puttò. C’era l’amuri pa’ so musica e pi’ so strumenti, c’era l’amuri pa’ so Terra, pi’ so affetti, pa’ so famigghia. Chissa era a so vita. Ma un ionnu di quattru anni fa, era u 12 dicembri, un ionnu ca non si po scuddari. U figghiolu ‘ndi lassò, u sulu s’innando’ e u mari s’oscurò. Lassò sta terra, ma non lassirà mai lu nostru cori. E si ‘nta notte, quandu tuttu è scuru e c’è silenziu, vaddati lu cielu, chiuditi l’occhi e u ritmo da so musica putiti riturnari a sentiri. Un figghiolu s’innandò, amuri e Paci ndi lassò. Amato Giada Francesca Classe 3^C - Scuola Secondaria di primo grado “Zirilli”
U splendidu ricoddu: saudade (malincunia) Quant’è bedda a vituzza pura comu ‘na margarita, da scupriri comu ‘na gita e duci comu ‘na granita. Nenti jè accussì suavi comu stu cristianu, iutava u prossimo quandu putia e dava cchiù di quantu ricivia. Dubbi non ci ’ndè: iddu all’autri vulia beni, a paci dintra lu cori ci puttava sirinità e vìvia ‘nto mundu chinu di filicità. Rancuri iddu a nissunu puttava e sicurizza e rispìettu cu sé traspurtava. Macari si a jurnata nun jèra ‘nta li megghiu sapia sempri comu isarti l’umuri cun tantu stupuri. A vituzza a voti jè priputenti potta via cun sé ogni essiri viventi e lassa na randi malincunia tra la genti. Rima Hancha Classe 3^C Scuola Secondaria di primo grado “Zirilli”
Musica e passiuni Pittia a musica era passiuni, soprattutto i percussiuni. Pittia a musica era un sognu, di studiari nun d'avivi bisognu. Ca to fantasia sunura cumpunivi melodii ogni ura. E chi sonu, chi gioia! Quali tristizza, quali noia! Battivi li tamburi cun grandi putenza e si vidia che non putivi stari senza. Pi li vii di Milazzu tutti ti scutammu cu piaciri e cu duluri ti salutammu cun tantu chiantu e affannu. Federico De Gaetano Classe 3^C Scuola Secondaria di primo grado “Zirilli”
A musica A musica cetti voti t’inganna, cu sono d’un tamburu o di ‘na chitarra. A musica ti potta dintra nu munnu assai differenti, senza casinu e senza genti. A musica ti savva da tristizza, e ti potta un sorrisu chinu i ricchizza. Quannu ti senti pessu, ci sarà idda chi ti duna un sensu a tuttu chistu. Comu n’anciulu custodi, a musica è un donu chinu d’emozioni. Emanuele Antonio Crisafulli Classe 3^C Scuola Secondaria di primo grado “Zirilli”
In memoria i tia A to musica sona ‘nte me ricchi, comu nu battitu i cori. I to gesti, i to paroli, a to vaddata. Avivi curaggiu, talentu e tanta buntà da uffriri. Molte pirsuni ti sunnu grati pi chiddu chi facisti, anche se un iornu all’impruvvisu ‘ndi lassasti. Milazzu, u to paisi, si ricodderà pi sempri i tia, e giammai si scuddirà du to cori e du to animu talintusu. Vanessa Czerniack Classe 3^C Scuola Secondaria di primo grado “Zirilli”
Milazzu: mamma cara Che bedda sta mamma vistuta di mari, iavi un castellu pi curuna e un ciauru di gessuminu e zagari. Crisci i so figghi cu tantu amuri e li vidi pattiri cu tantu duluri. Non c’è travagghiu o spiranza pi dumani, iavi ventu e suli, ma ci manca lu pani. Cianci lacrimi amari quannu li vidi luntanari, picchì nudda mamma i so figghi vurria lassari. Ma sta tranquilla che io nun lu fazzu, non cianciri mamma che iò nun ti lassu. Melissa Scarcella Classe 1^D Scuola Secondaria di primo grado “Zirilli”
Milazzu bedda Milazzu è tantu bedda e nenti iavi a ‘nvidiari a nudda autra città! Terra, suli e mari, non avemu bisognu i ciccari autri posti pi ‘ndari a mari. Cettu, problemi c’inne’ tanti ma, inveci mi ndi lamintamu videmu ma sistimamu! Si tutti ndi aiutamu tutti megghiu stamu, Milazzu bedda! Stefano Cutelli Classe 3^C Scuola Secondaria di primo grado “Zirilli”
Na vita senza algoritmu A to’ anima era musica chi vibrava nto to cori e u rindia unicu. A to buntà tutti conquistoi e a to perdita tutti pari adduluroi. Tra i to’ mani tutto avia nu ritmu ma a to vita non avia un algoritmu. Francesco De Gaetano Classe 3^C Scuola Secondaria di primo grado “Zirilli”
Un duluri ca nun passa Jè n’ingiustizia perdiri un figghiu. U duluri di patri e matri e di l’amici nun passirà mai. Troppu spissu li pirsuni boni s’adduluranu pi li cattiveri di lu mundu, ma venunu ripagati jennu ‘nto paradisu e diventandu ianciuleddri protetturi. Claudio Paci, figghiu beddru, ‘nte nostri menti ristasti e u ritmu da to musica mediterrania ‘nto nostru teniru cori lassasti. Sophia Sottile Classe 3^C Scuola Secondaria di primo grado “Zirilli”
